Maulin Shah : Vanche Gujarat ! Vichare Gujarat ! Jaage Gujarat !

Showing posts with label Monkey. Show all posts
Showing posts with label Monkey. Show all posts

Saturday, 8 December 2012

મૂર્ખ ગધેડો....વારતા રે વારતા....વાઘનું ચામડું ઓઢેલો ગધેડો !!




એક નાનું એવું ગામ હતું....આ ગામમાં વિલાસ નામનો એક ધોબી રહેતો હતો. ધોબીની પાસે એક ગધેડો હતો...

એ ગધેડો બિચારો આખી જિંદગી સુધી તે ધોબીનો બોજ ઉપાડતો રહ્યો એને છેવટે ઘરડો થઈ ગયો. એ એટલો બધો તો અશક્ત થઈ ગયો કે ધોબીનાં કપડાંનું પોટલું પણ ઉપાડી શકતો નહીં અને મરવાની અણી પર આવી ગયો.

ધોબી સ્વાર્થી હતો. તેણે ગધેડાને ઘરમાંથી કાઢી મૂક્યો. તેમ છતાંય તેણે ગધેડાના બચાવ માટે તેના શરીર પર વાઘનું ચામડું ઓઢાડી દીધું જેથી કોઈ સામાન્ય પ્રાણી અથવા મનુષ્ય તેની નજીક આવીને તેને મારી ન શકે.

ગધેડો જંગલમાં ચાલ્યો ગયો. ત્યાર પછી તે અનાજનાં ખેતરોમાં જઈને ખેડૂતોનો ઊભો પાક ખાઈને તેનું પેટ ભરવા લાગ્યો. ખેડૂત લોકોએ વાઘને તેમના ખેતરમાં ફરતો જોયો તો તે બિચારાઓ ડરીને દૂર ભાગી ગયા.

એક વાર એક હિંમતવાન ખેડૂતે વિચાર કર્યો, ‘આ વાઘને રાતના અંધારામાં સંતાઈને જ પોતે મારી નાખે.’

આમ વિચારીને તેણે પોતાનું તીર-કામઠું તૈયાર કર્યંુ અને ખેતરમાં જઈને છુપાઈને બેઠો.

ગધેડો પણ મફતનો માલ ખાવા માટે ટેવાઈ ગયો હતો અને હવે તો તેને રાત-દિવસ તોફાન-મસ્તી સિવાય બીજું કાંઈ સૂઝતું જ નહોતું.

અને એવી જ મસ્તી-મોજમાં આવીને તે એ પણ ભૂલી ગયો કે તેણે વાઘનું ચામડું પહેરી રાખ્યું છે. બસ, એ તો માંડ્યો જોરજોરથી ભૂંકવા, ‘હોંચી... હો હોંચી... હો...’

ખેડૂત સમજી ગયો કે આ તો વાઘનું ચામડું ઓઢેલો કોઈ ગધેડો છે, જે આટલા દિવસ સુધી તેમને છેતરી રહ્યો હતો.

‘અમે પણ કેટલા ગાંડા!’ આમ વિચારીને તે ખેડૂતે ગધેડાને સામે જઈને જ તેના પેટમાં સીધું તેર મારી દીધું.

ગધેડો પોતાની ખોટી બડાઈને લીધે માર્યો ગયો. તેની બુદ્ધિ નષ્ટ થઈ ગઈ હતી. તે સદાને માટે મૃત્યુની ઘેરી નિદ્રામાં પોઢી ગયો...

RIP !!!!


(ખાસ નોંધ : બંધ બેસતી પાઘડી કોઈ એ પેહરવી કે પેહરાવી નહિ !!  રોજબરોજ ના જીવનમાં લોકો દ્વારા થતા છ્લ -કપટ ને સાબિત કરતી એક કટાક્ષરૂપી વાર્તા છે )
(સૌજન્ય : ગુજરાતી દૈનિક પરથી થોડું એડીટ કરીને )

~મૌલીન શાહ 

Thursday, 8 November 2012

સંઘ-વિહિપ ને અચાનક મંદિર-મઠ કેમ યાદ આવ્યા ?એ પણ ગુજરાત માં?


હિન્દુત્વના નામે સંઘ-વિહિપના જોરે મુખ્યમંત્રી બન્યા પછી રાજયના પાટનગર અને અન્ય જીલ્લાઓમાં વિકાસના નામે હજારો મંદિરો તોડી પાડવામાં પણ આજ ભાજપ સરકાર નંબર-૧ બની છે !!!

ચુંટણીને ફક્ત ૩૪ દિવસ રહી ગયા છે ત્યારે સંઘ અને વિહિપને એવું તો શું સુઝ્યું કે અચાનક એમને મંદિરો–મઠ ની યાદ આવી ગઈ ?? 
ગુજરાતમાં આટલી સંખ્યા માં મંદિરો તૂટ્યા, હજારો હિન્દુઓ કોમી તોફાનોના નામે જેલ ભેગા કરાયા અને રોજ સિવિલ કોડનો ભંગ થતો રહ્યો ત્યાં સુધી સંઘની એકપણ શાખા ગુજરાત માં કેમ કાઈ બોલી નહિ ?
વિહિપ દ્વારા આ બાબતે વારંવાર પરંતુ ક્ષણિક વિરોધ થતો રહ્યો પણ કોઈ પરિણામલક્ષી કાર્યવાહી કેમ ન કરી ?
અત્રે ઉલ્લેખનીય છે કે અમદાવાદમાં યોજાયેલી હિન્દુ ધર્મ આચાર્ય સભામાં આરએસએસના વડા અને વિહિપના અગ્રણી નેતા તથા દેશભરમાંથી સંતો-મહંતો ઉપસ્થિત રહ્યા હતા. તેમણે ભારતમાં સમાન સિવિલ કોડ, મંદિર-મઠમાં સરકારના હસ્તક્ષેપ પર પાબંધી લાદવા સહિતની માગણી કરી હતી.

અહિયા એક વાત એ પણ યાદ કરાવવી યોગ્ય રહેશે કે થોડા મહિના અગાઉ (માર્ચ ’૧૨) અયોદયાના રામ-જાનકી મંદિર ખાતે આદિવાસી કન્યાઓ દ્વારા સંઘ પ્રમુખના ચરણ ધોવડાવવા બાબતે અયોધ્યાના મહંતો  અત્યંત નારાજ થયા હતા !!

ખાસ નોંધ : અત્રે ધર્મ ને ઠેસ પહોચાડવાનો કે કોઈની બદનક્ષીનો ઈરાદો નથી.
જો આ પ્રસંગ ખરેખર ધાર્મિક હતો તો પછી રાજકીય વ્યક્તિઓ અને ભાજપના મુખ્યમંત્રીની હાજરી શું યોગ્ય ગણાય ??? ...
કોઈ ભૂલ હોય તો માફ કરજો !!
~ મૌલીન શાહ (અમદાવાદ)ના જય શ્રી કૃષ્ણ !