કાનુડા નો અપાર ઓચ્છવ કરનાર આ રાજ્ય ના આપણા કાનુડા કે રાધા ને કંસ થી બચાવવા ની ચિંતા આજે પણ છે તે સમય ની બલિહારી અને કમનસીબ બાબત નહિ તો બીજું શું ?

ખરતું પાન પુછે કે "સાચેજ  હું કાલે નહિ હોઉં" ? તો એટલી ગ્લાની નહિ થાય  પણ ઉગતી કળી ક્યાંક ગુમ થઈ જાય અને આપણે  ન  શોધી શકીએ ત્યારે લાચાર થઈને પૂછે કે "સાચેજ  હું કાલે નહિ હોઉં" ?
તો કાળજે  ઘા પડે જ પડે. વસમો લાગે આ પ્રશ્ન....!

માફ કરજો ભાઈઓ / બહેનો.....ગુજરાત માં આવા  વસમા ઘા સહન  કરવા પડે  તેવો સમય આવ્યો છે. આ ગુજરાત વિરોધી વાત નથી પરંતુ  ગુજરાતના હિતની ચિંતા છે ...ગુજરાત માં કાયદા અને વ્યવસ્થાનાં નામે મીંડું છે તે કહેવા ની જરૂર નથી ...ને  લો એન્ડ ઓર્ડર ની સ્થિતિ યોગ્ય હોવા નો જશ  સરકાર લે છે ..લેવા દો !!

રાજ્ય સરકાર બોહાળા  પ્રમાણમાં (બે ત્રણ કિસ્સા ને બાદ કરતા) કરફ્યું નાં લાગવા ની વાતને  વારમ વાર ગાયા કરે છે !

ટ્રાફિક પોલીસ ને કોઈ કાઠલો પકડી ફટકારે અને તેને ત્રણ -ચાર  સાથી પોલીસવાળાઓ એ છોડાવવા દોડવું પડે છે  તેવા ફોટા છાપે છપાય છે ...સાદો સરળ અને  સામાન્ય માણસ  ઘરમાં  શાંતિ થી  જીવતા ફફડવા લાગ્યો છે....ઘર ની બહાર નીકળતા  જ  ગીદ્ધ ની જેમ રાહ જોઈ ને બેઠેલા ચેઈન સ્નેચરો થી માતા ,બેહનો., દીકરીઓ  ફફડે છે!

વૃદ્ધો ને ઘરમાં ઘુસી ને  જીવતા મારી નાખીને લુંટ ના બનાવો છેલ્લા  ૬-૭ વર્ષ મા વધ્યા છે...સુરક્ષા ના ઘેરામાં ૨૪ કલાક રેહતા મુખ્યમંત્રી નો મત વિસ્તાર પણ બાકી નથી આ બધા  ફફડાટ થી !!..

તે  ત્યાં સુધી કે  ભુલકાઓ  શેરીમા ધીંગા મસ્તી કરતા હોય કે  સ્કુલે  જતા હોય ત્યારે તેના મા -બાપ નો જીવ તાળવે  ચોંટેલો રહે છે  'મારું બાળક ગુમ તો નહિ થયી જાય ને ' ???સાચેજ કાલે તે નહિ હોય ?? 

Pain of Parents in Gujarat

આ કલ્પના નથી , આ ઠાલા વિચારો નથી , આ વરવી સત્ય હકીકત છે ..ગુજરાતમાં આજે  રમવા ની ઉંમરે રમી ના શકે , ભણવાની ઉંમરે ભણી ના  શકે તેવો માહોલ છે!  સ્કુલે જતા બાળકો ની  આંગળી છોડતી વખતે તેના મા-બાપ ફરી આ બાળક મને મળશે કે નહિ? તેવી ભીતી શિવે તે દુખદ અને શરમજનક છે ...!
શું આ જ વિકાસ છે ??

કાનુડા નો અપાર ઓચ્છવ  કરનાર આ રાજ્યના આપણા કાનુડા કે રાધા ને કંસ થી બચાવવા ની ચિંતા આજે પણ છે  તે સમય ની બલિહારી અને કમનસીબ બાબત નહિ  તો બીજું  શું ?????

By Maulin Shah ,Ahmedabad


(સૌજન્ય : શહેરમાં ફરતી પત્રિકા ઉપરથી એડીટ કરીને )

"ઘોડા છુટયા પછી તબેલાને તાળાં" - સિંગતેલ ૨,૧૦૦ એ પહોંચ્યું ત્યારે તેલ ના ભાવનું નહીં પરંતુ સ્ટોકનું નિયંત્રણ !

જથ્થાબંધ વેપારીઓ ૪,૦૦૦ ડબ્બા, છૂટક વેપારીઓ ૩૦૦ ડબ્બા, મિલરો બે માસનો કાચો માલ અને એક માસનો પાકો માલ રાખી શકશે. જોકે, તેમાંથી ખેડૂતોને બાકાત રાખવામાં આવ્યા છે. તેઓ ગમે એટલો સ્ટોક રાખી શકશે. 

ભાજપા ની સરકાર દોષનો ટોપલો કેન્દ્ર સરકાર પર ઢોળે છે  ત્યારે સૌથી મહત્ત્વની બાબત એ છે કે કેન્દ્ર સરકારે સિંગતેલની નિકાસ પ્રતિબંધિત કરી હોવાથી આ વખતે ચીનના વેપારીઓ સૌરાષ્ટ્રમાં આવીને જ બારોબાર સિંગદાણા ખરીદી ગયા હતા.હવે સૌરાષ્ટ્રમાં જે ઓઇલ મિલો છે એમાંથી પાંચ દસ ટકા જ સિંગતેલનું ઉત્પાદન કરે છે જ્યારે ૧,૦૦૦ જેટલી સિંગદાણાની ફેક્ટરીઓ ધમધમે છે જ્યારે દસ ટકા મોટાં ગજાના ખેડૂતો પાસે લગભગ બેથી અઢી લાખ ટન સિંગદાણાનો જથ્થો હોવાનો અંદાજ છે. આ જથ્થો પણ પુરવઠા વિભાગે આજે નિયંત્રણો જાહેર કર્યાં તે પહેલા સગેવગે થઇ ગયો છે, તેમ સૂત્રોએ ઉમેર્યું છે.

 દિવાળી વેળાએ એક ડબ્બાનો ભાવ ૧,૪૫૦થી વધીને આજે એપ્રિલમાં ૨,૧૦૦ રૂપિયાની વિક્રમી સપાટીએ પહોંચ્યો ત્યાં સુધી તમામ માલ સગેવગે થઇ ગયો ત્યાં સુધી શા માટે પગલાં ન લેવાયા.???

તેલીયા રાજાઓ અને કાળા બજારીયાઓ પાસેથી ધન ભંડોળના નામે ભાજપ ખંડણી ઉઘરાવે છે અને તેથી કાળા બજારીયાઓને છૂટો દોર મળે છે.    તેલીયા રાજાઓ સાથે ગુજરાતના મુખ્‍યમંત્રીશ્રીની સાંઠગાંઠ છે, અને તેથી સીંગતેલના ભાવ ભડકે બળે છે.

ગુજરાત માં પેહલા ની સરકારો ખેડૂતના ઘરમાં સીંગ હોય ત્‍યારે સીંગ અને તેલ ખરીદીને બફર્સ સ્‍ટોક રાખતી હતી, અને જયારે તેલીયા રાજાઓ સીંગતેલ મોંઘુ કરે ત્‍યારે બફર્સ સ્‍ટોકમાંથી સીંગતેલ છૂટું કરી ઉપભોક્તાને મદદ કરતી...

(Courtesy : Gujarati Daily  and  http://shaktisinhgohil.com/press-release